2010-02-23

} شؤون طلابية {...1

}{ بدايتنا مع المدرسة }{
 

مين مننا أختار مدرسته , فصله , باصه

أو حتى قراره أنه هو دا الوقت

المناسب عشان نبدأ نتعلم ونروح المدرسة ؟؟

يمكن واحد ولا اثنين ..و يمكن مفيش ...

عشان لو القرار طرح بأيدينا

مكنش حد فينا هيفكر يروح المدرسة ...


هرجع إلى 18سنة عدت وساعتها أكون

بديت من ما قبل الصفر

إن مكنش الصفر ذاته ....^_^

و يومها كان عمري أربع سنين و كنت أنا

واحدة من الواحد أو الاثنين اللى ذكرتهم فوق

و طبعا لوحدي قررت أن هو دا

الوقت المناسب عشان أروح المدرسة

مش عشان شعارات ..

( العلم نور ) و ...

( العلم في الصغر كالنقش عالحجر )

الخ الخ الخ ...  

فقط عشان غيرة من أختي الكبيرة 

وحب ليها كمان ,,

غيره عشان إزاي هي معاها أقلام وطوابع

وشنطة و أنا لا !

وحب عشان هتسبني لوحدي بالبيت

وكنت على طول معاها 

فأصريت أنا عايزة أروح المدرسة 
ورحت   ......,,,
 

حد فيكم فاكر أول يوم ليه / ليها في المدرسة ؟؟

باليوم دا بحسب دراسة قرأتها بيكون الأباء
والأمهات سعداء جدا 

عشان شايفين فلذات أكبادهم بيخطوا أول خطوة

حقيقية خارح حدود البيت

بس الآبناء بيكونوا خايفين جدا عشان بيخطوا أول

خطوة حقيقية خارج حدود الأمان المعتاد..

برضو ( البيت ) .

و أنا لسه فاكره اليوم دا ...

وفاكرة صوت دقات قلبي ....

 

رحت مع أبويا .. كان ماسكني بيد وبالثانية كان

ماسك أختي الكبيره ...

وبديت أبكي اول ما عدينا بوابة المدرسة

فرجعنا عالبيت طوالي... 

وكان خالي موجود بالبيت فأخذ الرايه من أبويا

وأصر يحاول فرجعنا عالمدرسة من ثاني

وبرضو نفس الحكاية بديت ابكي و أتشعبط بخالي

فصعبت عليه ... 

 وخذني عالبيت من ثاني ... 

و اللى يشوفني هنا يستغرب مش هي دي

اللى كانت عايزة بنفسها تروح المدرسة !! ..

طلعت بتاع كلام ... صح ؟

قررت مامتي بعدين - كمحاولة أخيره -  تاخذني

هي بنفسها عالمدرسة من ثاني

و للاسف منفعش معاها نفس الحركة

اللى كنت بعملها مع أبويا و خالي !


و عملوا معايا المدرسات أتفاق ادخل الفصل

و تقعد هيا تستناني برا

و كنت كل شوي ببص عليها من الشباك

و كانت موجوده هناك ..

بتستنى حضرتي  ومن يومها صرت تلميذة ,,

مش هقول ياريتني ما رحت عشان بجد أستمتعت 

بالابتدائية يمكن حتى مش مسالة كانت حلوة

ولا مش حلوة القصة كلها مسألة أننا و احنا أطفال


بنشوف كل شئ حلو .......

ودلوقتي يهمني أعرف أول يوم بالمدرسة 

في حياتكم كان عامل إزاي ؟؟

حلو , وحش ..مش بطال ؟؟

ملحوظة :
 
أنا حبيت أكتب بلهجة عامية هنا

عوضا عن الفصحى لأسباب عده...

وطبعا عشان أتاكد أن الكل فهمني 

أخترت اللهجة المصرية ...^_^



قبل ما اختمـ 

هسيبكم مع الفيديو دا واللى بيعرض

أول يوم دراسي في احدى المدارس

وعشان يقهروا الخوف جواهم  

شوفوا هم اتصرفوا معاهم إزاي ! 

وياترى هتخسر إيه مدارسنا لو عملت 

كذا برضو !!

بحفظ الله ...^_^
 


............... 

12 التعليقات:

khaled يقول...

يشرفني ان اكون اول من يرد

بالنسبة لي كان اول يوم لي في المدرسة

مشابه لاول يوم لك في المدرسة ولكن الفرق اني ما صعبتش على بابا وتركني ابكي ومشى

طبعاً كنت صغير جداً يمكن اربع سنوات آنذاك

ونهاية اليوم الدراسي (بعد جفاف حقول دموعي ) ركبت باص المدرسة (مدرسة الفتح النموذجيه) وفجأه رأيت ابن خالي ...شافني ابكي فأعطاني 5 ريال

فحبيت المدرسة ×_×

ومن يومها صرت اروح المدرسة عشان

الاقي ابن خالي ويعطيني فلوس

بس للاسف لحد النهار ده ما اعطاني غير الخمسه هذيك بس

شَــــذَا رُوْحٍــــــيُ يقول...

الغاردينيا

عجد وقف كتير جدا امام حكايتك مع اليوم الدارسي الاول الصعب جداااااا

في حياتنا كلنا اليوم الذي لا ينسي ابدا

بالتاكيد لازم بكاء وانهيار ومنع الطعام ومشكلات كتيرة جدا

ولكن بعد ما كبرنا وادركنا انها مصلحة لنا بنفتكر اليوم الاول وبنضحك علي انفسنا

بارك الله فيكِ غاليتي ويسلم قلمك الناطق

وقلبك الجميل

دمتِ بكل حب وود

√♥♫ مملكتي √♥♫ يقول...

السلام عليكم غاردينيا
قصت طفولتك استمتعت بقرائتها وتخيلت كيف كنتي هههه وموت من الضحك
اما انا في اول يوم لي في الدراسه كنت انا وابن خالتي ندرس سوا وفرحانين بأول يوم واول ما رن الجرس راحه مسكنا بيد بعض وروحنا والاستاذ كان يصيح لنا نرجع ونحن مطنشينه رجعنا للبيت وسألونا ليش روحتوا بدري قلنا خلصنا واليوم الثاني ابو ابن خالتي جا معانا المدرسه والاستاذ حكاله القصه وفهمونا انه ما نروح في الوقت المستقطع اللي يجيبوه لنا....الخ
المهم ذكريات حلوه واتذكرتها الحين واتمنى لو ترجع


سأنتظر بقية الموضوع
لكي ودي قبل ردي

الغاردينيا يقول...

أهلين خالد ^_^

بجد أضحكني ردك ^_^ وخصوصا الخمسة

ريال وجفاف حقول الدموع ^_^

............

يسعدني انك خريج مدرسة الفتح

لأنها أيضا كانت مدرستي

وبيتخرج منها طبعا .. احم احم

العباقرة ^_* ....

تشرفت بتواجدك اخي , لك أحترامي

الغاردينيا يقول...

غاليتي شذى ... معك حق

كان يوما لا ينسى .. ^_^

وصحيح اليوم بضحك بس يومها كنت

أبكي .... دنيا عجب ههه

يسعدني تواجدك ..

دمتي بحفظ الله حبيبتي

الغاردينيا يقول...

وعليكم السلام ورحمه الله وبركاته

أهلا بأمير المملكة ....^_^

ابتسمت لقصتك و اسعدني انك احببت

كلماتي ....لك الاحترام

وتشرفت بتواجدك .....

الآمير يقول...

الغاردينيا
استوقف في محطتك كثيرا

ولي عدة اسءلة بعيدة عن البوست

مامعني الغاردينيا ؟ ولماذا هذا النيم؟

لا تقولي علي جاهل

اتمني الرد

شكرا لك

بالنسبة للبوست والدراسة كان يوم اسود بصراحة

كلة ضرب من الوالد اهو عدي وخلاص

شكرا لك

الغاردينيا يقول...

أخي الآميرررر

بالاول اهلا فيك ^_^

ثانيا مين أكون انا عشان أقول عليك

جاهل ! بالعكس بحترم جداا الناس اللى

بتسئل ^_^

الغاردينيا هو أسم نوع جميل جدااا

من انواع الورد له رائحة جميلة ولونه

أبيض وبتوصف انها وردة طاهره وعذبة

وبرغم اني عمري ما لمست

غاردينيا لحد يومنا دا بس بحب الوردة

دي موووت من كثر ما قريت عنها ^_^

اما ليش انا سميت المدونة بالاسم دا

فانا سبق وتكلمت عن دا هنا

أضغط عالرابط وان شاء الله تفهم ^_^

http://elgardenia.blogspot.com/2009/09/blog-post_7739.html

...........

ههههههه أذن كان يوم أسود ..

شكرااااا للرد وعلى قولتك اهو عدى

وخلاص ... العفووو .. احترامي

Unknown يقول...

السلام عليكم ورحمه الله
اولاً: لكم الشكر علي زيارتكم الرقيقه لمدونتي وعظيم تقديري واحترامي ...لكم
ثانياً: بدي افهم ما تعنيه كلمه ( الغاردينا)
ثالثا: ذكرياتكم عن المدرسه والدراسه تقريبا متشابهه مع 90% من من ذهبوا اليها . رائع جدا الفديو و فكره التعليم بهذه الطريقه ...أين تم تصوير هذا الفديو ؟
شكرا لكم ...غاردينا

مهاجره بإحساس يقول...

يعطيك العافيه يالغلا

عفويتك بالحديث جذبتني كثثيرا

اتمنى لك التوفيق مدونه جميله

تحيتي لك

الغاردينيا يقول...

وعليكم السلام ورحمه الله وبركاته

أهلين اخي ( فركشاوي ..ناوي )

أولا : العفوووو أخي ويسعدني طبعا

أني ازور مدونات كل المدونين ^_^

بس ضيق الوقت ساعات ما يساعدني

ثانيا كلمة غاردنينا بتعني الوردة

البيضاء وهذا نوع من انواع الزهور

أبيض و ذو رائحة جميلة ويتصف بالرقه

والجمال و الوردة في اخر المدونة هي

ذاتها وردة الغاردينيا .....

وانا كتبت عن دا باول تدوينة لي هنا

وتحدثت برضه فيها عن سر اختيارري

للاسم ومع ذلك الكل يسئلني شو يعني

غاردينيا اممم افكر اغير اسم المدونة

.. دعابة ^_^

ثالثا : الفيديو هذا انا نفسي مش

عارفة فين وجدته عاليوتوب بس من خلال

الصوت اللى سمعته اقدر اقول انه

في احدى دول الخليج ان لم تكن السعودية

... العفو وتشرفت بزيارتك ^_^

الغاردينيا يقول...

اختي مهاجرة بأحساس

تشرفت بزيارتك

وربنا يعافيك يا غالية

احترام وتحية

إرسال تعليق